బ్రిటిష్ కాలపు నేపథ్యంలో, ఉగ్రసింహ అనే బందిపోటు దౌర్జన్యం నుంచి రాకుమారుడు విజయ్ కుమార్‌ను సాహసవతియైన విమల రక్షిస్తుంది. వారి పరిచయం ప్రణయంగా మారుతుంది. కానీ విమల తండ్రి అనంతయ్య ఈ ప్రేమను ఆమోదించడు. గతాన్ని తవ్వగా, అనంతయ్య నిజానికి అనంతగిరి సంస్థానానికి చెందిన రాజేశ్వర ప్రసాద్ అనీ, తన సొంత సోదరుడి హత్యారోపణతో అజ్ఞాతవాసం చేస్తున్నాడనీ తెలుస్తుంది. విధి వక్రించి ఒక ప్రమాదంలో తండ్రీకూతుళ్లు విడిపోతారు. అనాథగా అనంతగిరి చేరిన విమల, తన సొంత తల్లి రాజ్యలక్ష్మి ఇంట్లోనే పనిమనిషిగా చేరుతుంది. సంస్థానాన్ని చేజిక్కించుకున్న అప్పలరాయ బహదూర్, అతని అనుచరుల కుట్రలను ఛేదించడానికి, గోపాలం అనే వంటవాడి వేషంలో విజయ్ కుమార్ ప్రవేశిస్తాడు. చివరకు ఆ హత్యారహస్యాన్ని ఛేదించి, నిందను బాపి, విమలా విజయ్‌ల ప్రణయం ఫలించడంతో కథ సుఖాంతమవుతుంది.