మామిడికాయ రసం
పల్లవి కలం నుండి...
నా పేరు పల్లవి. ఇంటికి వచ్చే వాళ్ళను ఆప్యాయంగా పలకరించి, ప్రేమగా భోజనం పెట్టడం అంటే నాకు చాలా ఇష్టం. వంటగదిని నేను కేవలం వంట చేసే గదిగా కాకుండా, అందరికీ ప్రేమను పంచే చోటుగా చూస్తాను. మా ఇంట్లో వంటలు అంత రుచిగా ఉండటానికి కారణం కేవలం మసాలాలు మాత్రమే కాదు, అందులో నా ప్రేమ కూడా ఉంటుంది. చిన్నప్పటి నుంచి మా అమ్మమ్మ, తాతయ్యలను చూసి నేను నేర్చుకున్న మంచి అలవాటు ఇది.
నాకు ఆ రోజు ఇంకా బాగా గుర్తుంది.నేను కాలేజీ నించి వస్తూ నాన్న గారు వరండాలో ప్రశాంతంగా కూర్చుని కనిపించారు. అప్పుడు అమ్మ అక్కడికి వచ్చి,'ఏవండీ, ఇవాళ వంట ఏం చేయమంటారు? మీకు ఏం తినాలని ఉంది?' అని అడిగారు. అప్పుడు తాతయ్య కాసేపు ఆలోచించి, 'ఇప్పుడు మామిడికాయల సీజన్ కదా, మామిడికాయ రసం చేస్తే బాగుంటుంది!' అని చెప్పారు
వాళ్ళ మాటలు దూరం నుంచి వింటున్న నేను, వెంటనే వాళ్ల దగ్గరికి వెళ్లాను. 'నాన్న, ఈ రోజు ఆ మామిడికాయ రసం నేనే మీకు చేసి పెడతాను' అని ఉత్సాహంగా చెప్పాను. నా మాటలు వినగానే అమ్మమ్మ నవ్వి, 'సరేలేమ్మా, అలాగే చెయ్... నీ చేతి వంట ఎలా ఉందో చూద్దాం' అని ఆనందంగా అన్నారు. నాన్న అడిగారని నేను చేసిన ఆ మామిడికాయ రసం వాసనతో, ఆ రోజు ఇల్లంతా ఘుమఘుమలాడిపోయింది.
వేడి వేడి అన్నంలో మామిడికాయ రసం వేసుకుని నాన్నగారు అంత ఇష్టంగా తింటుంటే చూసి నాకు చాలా సంతోషం వేసింది. ఇతరులకు ప్రేమగా వడ్డించడంలో వచ్చే ఆనందం ఇంకెందులోనూ ఉండదు. ఆ మామిడికాయ రసం రుచి కేవలం నాలుకకే కాదు, మనసుకు కూడా ఎప్పటికీ గుర్తుండిపోయే ఒక మంచి జ్ఞాపకంగా మిగిలిపోయింది.